खेलको मैदानमा प्रवेश गरे पछि नतिजालाइ सहज ढंगले लिनु पर्छ :आईसीसी कोषाध्यक्ष पदका उम्मेदवार भैरब ढकाल

राष्ट्रिय समन्वय परिषद अष्ट्रेलियाको स्थापना कालदेखि विभिन्न जिम्मेवारी तथा अन्तर्राष्ट्रिय समन्वय परिषदको आइसीसीको जिम्मेवारी सम्म काम गरि सकेका अष्ट्रेलियाका भैरब ढकाल भन्छन खेलको मैदानमा प्रवेश गरे पछि नतिजालाइ सहज ढंगले लिनु पर्छ l

 

उनले अस्ट्रेलियाबाट अमेरिकाको वाशिंगटन डिसी बाट संचालित ईनेपलिज़ डटकम संग कुराकानी गर्दै उक्त कुरा अभिव्यक्त गरेका हुन् l

 

उनि भन्छन एनआरएन अभियानको यात्रामा आफु यहाँ सम्म आइपुग्दा विश्वभरि छरिएका लाखौं नेपाली र देशमा रहेका नेपाली दाजुभाई दिदीबहिनीको साझा समस्यालाई संस्थागत रुपमा समाधान गर्न आफुले अहम भूमिका गर्दै संस्था प्रति काम गर्ने अवसर पाए l

 

ढकाल एनआरएन अष्ट्रेलियाको उपाध्यक्ष, च्यारिटी कोषको अभियन्ता तथा एनआरएन आइसीसीको सदस्यका रुपमा दायित्व निर्वाह गरेकोमा सबैमा कृतज्ञता गर्न चाहेको बताए l

 

समय नजिकिदै जादा एउटा पदमा धेरै उम्मेदवार बन्ने क्रम जारी छ र तपाई बिजयी हुने कतिको सम्भावना देख्नु हुन्छ भन्ने जिज्ञासामा ढकाल यसो भन्छन आजको दिन सम्म आइपुग्दा एन आर एनमा यति घेरै उम्मेदवारी आउनु लाई  सकारात्मक रूपमा लिनु पर्छ । प्रवासीएका नेपालीहरू एनआरएन संस्थामा बसेर मातृभुमिको सेवा गर्न उत्साहित देख्दा घेरै खुसि छु । 

 

खेलको मैदानमा प्रवेश गरे पछि, जित र हार त्यसका नियम हुन र नतिजालाइ सहज ढंगले लिनु पनि पर्छ । विश्व भरी छरीएर बस्नु भएका साथीहरूले दिनु भएको साथ र हौसलाले गर्दा मैले यस पदमा उम्मेदवारी दिएको हु तसर्थ मैले मेरो जित नजिक देखेको छु भने l

 

एन आर एन अभियानमा मतदाताले किन तपाईलाई कोषाध्यक्ष पदमा मतदान गर्ने भनें सवालमा उनि भन्छन ,आफु लामो समयदेखि गैरआवासीय नेपाली संघको कुनै न कुनै जिम्मेवारीमा रही आफुलाई क्रियाशिल गराउँदै आएको छु । राष्ट्रिय समन्वय परिषद अष्ट्रेलियाको सदस्यदेखि अन्तर्राष्ट्रिय समन्वय परिषदको आइसीसीको जिम्मेवारीसम्म आइपुग्दा विश्वभरि छरिएका लाखौं नेपाली र देशमा रहेका नेपाली दाजुभाई दिदीबहिनीको साझा समस्यालाई संस्थागत रुपमा समाधान गर्न मै समर्पित रहेँ । एनआरएन अष्ट्रेलियाको उपाध्यक्ष, च्यारिटी कोषको सह-संयोजक, वैदेशिक रोजगार र प्रवासी कामदार कल्याणकोसको सह-संयोजक तथा एनआरएन आइसीसीको सदस्यका रुपमा दायित्व पाएं र सो जिमेवारीहरू कर्तव्यनिष्ठ रूपमा पुरा पनि गरे ।

 

संघको कोष पारदर्शी, वैज्ञानिक ढंगले प्रभावकारी रुपमा चलाउने ज्ञान सीप अनुभव र योग्यता आफूसँग हुनुका साथै संघलाई आर्थिक समृद्धितिर अगाडि बढाउन मैले आफूलाई उम्मेदवारका रुपमा अगाडि सारेको हुँ भने l

 

 

पदको समर्पण गर्नु पर्ने अवस्थामा के धारणा राख्नु हुन्छ भन्ने सवालमा ढकाल भन्छन आजको दिन सम्म मैले अगाडि बढाएको कदम पछाडि सारेको छैन । मैले उमेदवारी दिए पछि भविष्यमा कसै संग बारगेनिङ गर्छु या अरू कुनै फाइदा उठांछु भनेर होइन । म आफु यस पदको लागि योग्य सोचेर उम्मेदवारी दिएको हु । अब यसको फैसला निर्वाचन पश्चात नै हुनेछ भने जवाफ दिए l

 

एनआरएन पनि प्रतक्ष्य या परोक्ष रुपमा राजनीतिमा मुसीन्छ र के भन्नु हुन्छ भन्ने सवालमा ढकाल भन्छन एउटा मान्छे कुनै समयमा कुनै न कुनै पार्टीको क्याडर्र हुन्छ । उ विभिन्न कारणबस प्रवासिन्छ र अन्तमा एन आर एनमा आफनो भुमिका खोज्छ । उसले संस्थाना संचालन गर्ने गतिविघिबाट राजनितिको प्रत्यक्ष या अप्रत्यक्ष देखिन्छ तर त्यो सबैमा लागु हुदैन । घेरै साथिहरू निस्वार्थ भावनाले र गैर राजनितिक तवरले सेवामा लाग्नु भएको आफुले पाएको बताए l

 

बिजयी भएमा सर्बप्रथम के काम गर्ने भनें जिज्ञासामा उनि भन्छन पहिलाको कार्य समितिबाट बाकिं रहेका राम्रा र अपुरा कामहरूले पूर्णता पुर्याउने आफ्नो पहिलो काम हुनेछ । अहिले यो गर्छु र त्यो गर्छु भन्दा पनि कार्यभार समाले पछि आफुले गर्ने कामले तपाईको अहिलेको सहि उत्तर दिनेछ l

 

चुनाबमा हार पनि हुन् सक्छ र पराजित हुनु भयो भने कस्तो प्रतिक्रिया जनाउनु हुन्छ भन्ने सवालमा ढकालले यस्तो उत्तर दिए खेलका नियमहरू मानेर निर्वाचनमा जाने छु । जितको लागि मेरो कसरत रहने छ तर कदमकदाचित हारे छु भने सहज स्विकार्ने छु । मैले अझ कसरत र गृहकार्य गर्न बांकि रहेछ भन्ने ठानेर नयां निर्वाचित साथिलाइ कार्यकालको शुभकामना दिएर,म आफनो भावि योजनाहरूमा लाग्ने छु बताए l

विजय थापा ,वाशिंगटन डिसी